🔴 Hoxe, a nosa secretaria de Feminismo, Ángela Estévez, participou na concentración convocada pola plataforma Somos Elas Galicia.
✊ Esiximos afastar dos xulgados de violencia de xénero a xuíces machistas como Carretero, que non só desprotexen ás vítimas senón que tamén perpetúan a cultura machista e patriarcal nas institucións xudiciais.
🚺 A loita feminista é máis necesaria que nunca para garantir que as mulleres poidan acceder a unha xustiza que defenda realmente ás mulleres. Demandamos unha xustiza sen prexuízos nin ideoloxía machista.
En Cabo Estai, un espazo natural protexido, construíuse un vial ilegal para facilitar o acceso a futuras vivendas, sen autorización e incumprindo a normativa urbanística. A Xunta de Galicia xa sancionou aos responsables con 35.549 euros, pero a veciñanza segue loitando para que o terreo volva ao seu estado orixinal e se respecte o medio natural.
Agora, os responsables das obras ilegais están demandando á Asociación de Veciños de San Miguel de Oia por supostas calumnias, esixindo unha indemnización desproporcionada de 170.000 euros, nun intento claro de silenciar as voces que defenden o patrimonio de todas e todos.
Desde Podemos Vigocondenamos estes ataques xudiciais e apoiamos ás veciñas e veciños na súa loita pola legalidade, a xustiza e a protección do medio ambiente. 💚
📢 Defender Cabo Estai é defender o futuro de Vigo!
📢 Podemos Vigo do lado da veciñanza de San Miguel de Oia
Desde Podemos Vigo queremos expresar a nosa solidariedade coa veciñanza de San Miguel de Oia na súa loita pola defensa do patrimonio natural de Cabo Estai. Reafirmamos o noso compromiso de seguir participando nas asembleas e accións organizadas polo movemento veciñal para frear os abusos urbanísticos e defender os dereitos da comunidade.
As pensións públicas garanten unha vida digna para millóns de persoas, porén hoxe están en perigo. Nunha Galicia envellecida, onde moitas persoas maiores sobreviven con pensións insuficientes, a súa revalorización é máis necesaria ca nunca. Asegurar un sistema público xusto e sostible non é só unha obriga coa xeración actual, senón un compromiso coas xeracións futuras. Agora é o momento de mobilizarnos!
As pensións públicas son un pilar fundamental do noso Estado de benestar e unha garantía de xustiza social. En Galicia, máis do 25% da poboación é maior de 65 anos, e moitas persoas pensionistas sobreviven con ingresos que non chegan ao salario mínimo interprofesional. Isto é inaceptable.
A revalorización das pensións é imprescindible para protexer o poder adquisitivo das persoas maiores, especialmente nun contexto de inflación como o actual, onde os prezos básicos, como a enerxía e os alimentos, seguen subindo. Sen unhas pensións dignas, estamos condenando a unha parte importante da nosa sociedade á precariedade e á exclusión social.
Un sistema público de pensións forte é posible, porén require vontade política: combater a fraude fiscal, redistribuír recursos de maneira xusta e priorizar o benestar das persoas fronte aos intereses económicos duns poucos. Loitar por isto é loitar polo futuro de todas, todos e todes, porque as pensións non son só das persoas maiores de hoxe, senón tamén das de mañá.
Desde Podemos Vigo defendemos con contundencia un sistema de pensións 100% público, que se revalorice cada ano segundo o custo real da vida e que protexa as persoas pensionistas fronte á inflación. Dicimos “non” á privatización e “si” a reforzar os ingresos do sistema a través de políticas fiscais xustas e a loita contra o fraude fiscal. Porque un sistema de pensións digno é a mellor herdanza que podemos deixar. Mobilicémonos para defendelo!
Non permitamos que as pensións caian en mans de quen quere privatizalas. A solución non é recortar, senón reforzar!
🟣 Chamamento á mobilización en defensa das pensións públicas! ✊
Dende Podemos Vigo queremos convocar a toda a nosa militancia e ao conxunto da cidadanía viguesa a participar na concentración organizada por MODEPEN (Movemento Galego en Defensa das Pensións Públicas). É fundamental que nos unamos para defender un sistema público de pensións digno e sostible, que garanta os dereitos das persoas maiores e das futuras xeracións.
🟣 CONVOCATORIA: TOD@S Á RÚA EN DEFENSA DAS PENSIÓNS PÚBLICAS! ✊
As pensións públicas son un dereito, e defender a súa revalorización é unha batalla que imos gañar entre tod@s.
📅 Cando?
🗓️ Luns, 3 de febreiro de 2025
🕢 Hora: 19:30 horas
📍 Lugar: Diante do Museo MARCO, Vigo
💬 “SÍ” á Revalorización das Pensións! Nin un paso atrás, pensións dignas públicas!
➡️ Mobilízate! Cada primeiro luns de mes seguimos loitando.
O pasado xoves 16 de xaneiro de 2025, miles de persoas ateigaron as rúas de Vigo para esixir algo tan básico como o dereito a unha sanidade pública, universal e de calidade. A manifestación, convocada por SOS Sanidade Pública, amosou o rexeitamento masivo á política de privatizacións que nos últimos anos vén esnaquizando a área sanitaria de Vigo, especialmente tras os escandalosos sobrecustos e recortes asociados ao Hospital Álvaro Cunqueiro.
Estamos ante un exemplo claro de como a axenda neoliberal da Xunta de Galicia, liderada polo PP, antepón os intereses económicos duns poucos por riba do benestar da maioría social. O contrato do Hospital Álvaro Cunqueiro, asinado baixo o mandato de Alberto Núñez Feijóo, non só significou un sobrecusto de 470 millóns de euros, senón que deixou sen executar infraestruturas esenciais para garantir un servizo eficiente e público. Hoxe, a realidade que viven as familias da área sanitaria é unha Atención Primaria saturada, listas de espera interminables e unha falta de recursos que agrava aínda máis a situación da cidadanía.
O caso do Hospital POVISA é outro exemplo paradigmático da privatización encuberta da sanidade pública en Vigo. Este centro, que atende a máis de 130.000 pacientes mediante un concerto co SERGAS, funciona como unha empresa privada que prioriza os beneficios por riba da calidade asistencial. A solución non pasa por perpetuar este modelo, senón por incorporar POVISA ao sistema sanitario público galego, garantindo que os recursos que se destinan a este hospital reverten directamente no fortalecemento da sanidade pública. A compra de POVISA permitiría poñer fin á incerteza que viven os pacientes e o persoal sanitario, ao tempo que ampliaría a capacidade estrutural da área sanitaria de Vigo, reducindo listas de espera e ofrecendo un servizo equitativo e accesible para toda a cidadanía.
Desde Podemos Vigo, reclamamos con contundencia a reconstrución da área sanitaria de Vigo. É imprescindible poñer fin á privatización dos servizos do Hospital Álvaro Cunqueiro e garantir a súa xestión pública. A saúde das persoas non pode ser un negocio para grandes empresas. Cada euro que vai aos petos dos fondos de investimento é un euro que deixa de investir no benestar da nosa xente.
O modelo neoliberal non funciona. Xa o demostraron os sobrecustos do Álvaro Cunqueiro, os servizos deficientes ou o abandono da Atención Primaria. Queremos un sistema público que priorice ás persoas e non os beneficios económicos. Por iso, é urxente:
• Recuperar a xestión pública do Hospital Álvaro Cunqueiro, eliminando as concesións privadas que lastran os servizos sanitarios.
• Ampliar as estruturas e os recursos humanos e materiais da área sanitaria, garantindo que cada veciña e veciño teña acceso a unha asistencia de calidade.
• Apostar por unha Atención Primaria forte, resolutiva e accesible, que sexa o verdadeiro piar do noso sistema de saúde.
A sanidade pública é un dereito, non un privilexio. Non imos permitir que nos rouben algo tan esencial. Desde Podemos Vigo, seguiremos loitando man a man coa veciñanza, os sindicatos e as plataformas sociais para recuperar o que é de todas e todos.
Vigo merece unha sanidade pública digna. Hoxe máis ca nunca, a saúde é vida e a vida non se privatiza.
Militancia de Podemos Vigo na manifestación baixo o lema: “Re-Construir a Área Sanitario de Vigo”EN VIGO PODEMOS
A sanidade pública é un dereito, non un privilexio. Vigo sofre demoras nas citas, falta de pediatras e centros desbordados. É hora de esixir máis recursos e unha atención de calidade para todas e todos. ✊🩺
🩺💉💊Centros de saúde saturados, demoras eternas e falta de pediatras en Vigo.
🏥 🩺💉Non podemos permitir que a sanidade pública se degrade máis.
✊ Defendamos o noso dereito a unha atención digna e de calidade. A saúde pública é de todas e todos. 🩺💙
RECONSTRUIR A ÁREA SANITARIA DE VIGO
MANIFESTACIÓN: DATA: Xoves 16 de xaneiro ás 19:00 horas desde a Praza dos Cabalos.
O pasado xoves 19 de decembro, Podemos Vigo participou na concentración en solidariedade co pobo palestino, organizada pola Plataforma Cívica de Vigo Pro Palestina e outras moitas organizacións da esquerda.
Baixo o lema “O xenocidio continúa no Nadal”, unímonos ás voces que denuncian a impunidade de Israel e esiximos o fin das agresións contra o pobo palestino. Durante a concentración, despregouse unha enorme bandeira palestina como símbolo de apoio e resistencia.
Desde Podemos Vigo reafirmamos o noso compromiso coa defensa dos dereitos humanos e coas causas xustas. Non deixaremos de loitar pola paz, a liberdade e a xustiza para Palestina. #FreePalestine #DereitosHumanos
Concentración na Portal do Sol en VigoPodemos Vigo
O pasado 17 de decembro de 2024, Podemos Vigo participou activamente na manifestación convocada por CC.OO. e UGT en Vigo, amosando o seu apoio á loita contra a preocupante situación da vivenda. Desde Podemos Vigo, consideramos que este é un tema prioritario que debe ser abordado de forma urxente.
Defendemos medidas concretas como:
• O aumento da oferta de vivenda pública e de alugueiro.
• Mobilización das vivendas baleiras.
• A imposición dun tope nos prezos do alugueiro en zonas tensionadas.
• A posta en marcha e desenvolvemento dun forte regulamento para as vivendas turísticas.
• A creación dun Parque Público de Vivenda destinado ao réxime de alugueiro.
Seguiremos traballando e mobilizándonos para garantir que o dereito a unha vivenda digna sexa unha realidade para todas e todos.
Cartel da Manifestación do pasado 17 de decembro de 2024Podemos Vigo
Rolda de Prensa convocada por CC.OO. e UGT en Vigo
O pasado 13 de decembro Podemos Vigo estivo presente e participou nunha rolda de prensa xunto aos portavoces locais de UGT e CC.OO. en Vigo, onde se anunciou a convocatoria dunha manifestación o próximo luns, día dous de decembro, ás 19:00 horas na Praza de España. Durante o acto, destacouse a importancia de mobilizar á cidadanía en defensa dos dereitos laborais e sociais. Na rolda estiveron presentes membros de diversas forzas políticas e sociais da esquerda viguesa, reforzando a unidade fronte aos retos que afectan á clase traballadora e á sociedade en xeral.
Meli Vázquez, coordinadora e voceira local de Podemos Vigo, estivo presente na devandita rolda de prensa xunto aos portavoces locais de UXT e CC.OO. Durante o acto, anunciouse a convocatoria dunha manifestación para o día 17 de decembro, ás 19:00 horas na Praza de España.
Esta participación reafirma o compromiso de Podemos Vigo coas reivindicacións relacionadas con vivenda e con problematica habitacional de Vigo e arredores. A devandita rolda de prensa contou tamén coa presenza de representantes doutras forzas políticas e sociais da esquerda viguesa.
O pasado sábado 26 de outubro, militantes de Podemos Vigo participaron activamente na concentración celebrada no MARCO de Vigo en apoio ao pobo cubano e en rexeitamento ao bloqueo económico que Cuba sofre dende hai décadas.
A mobilización foi unha mostra de solidariedade co pobo cubano, recoñecido pola súa dignidade e vocación humanitaria, sempre disposto a enviar médicos e non armas. Baixo o lema “Galicia con Cuba,” os asistentes salientaron a importancia de fortalecer os lazos entre Galicia e Cuba, reivindicando o apoio internacionalista á súa loita pola xustiza e a soberanía.
O pasado venres 11 de outubro, un nutrido grupo de persoas congregouse na Porta do Sol de Vigo para participar na manifestación organizada polo Sindicato de Inquilinas de Vigo. A mobilización tiña como obxectivo principal esixir ao goberno que adopte medidas efectivas para frear a escalada de prezos no mercado de alugueiros e impulsar a creación de vivenda pública accesible para toda a cidadanía.
Podemos Vigo estivo presente nesta convocatoria, deixando clara a súa postura en favor da defensa do dereito á vivenda. Representantes e simpatizantes da organización berraron eslóganes en apoio á causa, reivindicando un cambio de políticas que combatan a especulación e protexan os dereitos das inquilinas e inquilinos.
As persoas concentradas denunciaron a especulación inmobiliaria como un dos factores principais que encarece o mercado e que deixa a moitas veciñas e veciños de Vigo nunha situación de precariedade habitacional.
A manifestación concluíu cun chamamento enérxico a continuar loitando nas rúas e a apoiar iniciativas que impulsen políticas de vivenda inclusivas e xustas.DesdePodemos Vigo, renovamos o noso compromiso coa loita pola xustiza social e por un sistema onde a vivenda non sexa un privilexio, senón un dereito alcanzable para todos e todas.
PODEMOS VIGO 