O pasado xoves, a sede de Podemos Vigo converteuse nun punto de encontro fundamental para abordar un dos temas máis relevantes da nosa sociedade: o sistema público de pensións cunha palestra-coloquio, liderada por Xabier Pérez Dávila, que foi unha experiencia enriquecedora que reuniu a un numeroso grupo de asistentes interesados en comprender mellor o presente e futuro das pensións no noso país.
Pérez Dávila, coa súa ampla experiencia no ámbito das políticas sociais, ofreceu unha visión detallada sobre o funcionamento do sistema público de pensións, os seus desafíos e as posibles reformas que se están debatendo na actualidade. Ao longo da charla, o relator salientou a importancia da solidariedade interxeracional e a necesidade de garantir pensións dignas para os nosos maiores, un dereito fundamental que debe ser defendido con firmeza.
Os asistentes participaron activamente no coloquio, expondo preguntas e compartindo inquedanzas sobre como as decisións políticas actuais poderían afectar o seu futuro. A interacción enriqueceu aínda máis o ambiente, evidenciando a preocupación colectiva pola calidade de vida dos pensionistas.
Desde Podemos Vigo, reiterouse o compromiso de seguir traballando da man de Modepen e outran organizacións para estar ao tanto das novidades que se presenten sobre o futuro das pensións. A loita por manter e mellorar a calidade de vida dos nosos maiores é unha prioridade paraPodemos Vigo.
En resumo, a palestra foi un éxito rotundo, logrando o seu obxectivo de informar e empoderar aos cidadáns sobre un tema tan importante. A enerxía e o compromiso de todos os presentes motívannos a continuar nesta senda de defensa dos dereitos sociais e a xustiza interxeracional.
O pasado 18 de outubro de 2024, unha morea de viguesas e vigueses congregámonos na Porta do Sol en Vigo para realizar unha concentración organizada pola Plataforma Cívica de Vigo Pro-Palestina. No acto, os participantes construímos un «valado ou muro da vergoña» con caixas de cartón, decorado con bandeiras palestinas e mensaxes en apoio a Gaza, para denunciar o bloqueo israelí. Podemos Vigo participou activamente no evento.
Óscar Lomba, actuando como voceiro, lembrou as difíciles condicións de vida dos 2,2 millóns de persoas en Gaza e salientou a importancia de non permitir que a voz do pobo palestino se apague na bretema da indiferenza. Os asistentes acenderon velas en homenaxe ás vítimas, sinalando que máis de 42,000 persoas, a maioría mulleres e nenos, morreron no conflito. Tamén se fixeron chamados á Unión Europea para que non sexa cómplice da situación e cuestionouse a venda de armas a Israel.
A manifestación culminou cos participantes rompendo o «muro» como símbolo de resistencia e esperanza, reafirmando o seu compromiso de seguir loitando pola liberdade do pobo palestino.
Yamil Kasem membro do Consello Nacional Palestino e do Comité Central do FDLP estivo en Vigo e unha morea de militantes de Podemos Vigo asistirón á palestra na que Yamil Kasem falou sobre a loita da Fronte Democrática para Liberación de Palestina (FDLP) o combate heroico do pobo palestino contra o sionismo.
O pasado 10 de outubro, Vigo acolleu unha importante palestra protagonizada por Yamil Kasem, membro do Consello Nacional Palestino e do Comité Central da Fronte Democrática para a Liberación de Palestina (FDLP). O evento xuntou a un nutrido grupo de militantes e simpatizantes da causa palestina, dispostos a escoitar as experiencias e reflexións de Kasem sobre a situación actual na Palestina.
Yamil Kasem falou da relevancia histórica da loita palestina, salientando a resistencia heroica do seu pobo fronte ao sionismo. O orador fixo referencia ás condicións de vida dos palestinos, así como os esforzos continuos da FDLP para defender os dereitos e a dignidade do seu pobo.
O encontro non só foi unha oportunidade para que Yamil Kasem compartise a voz da súa xente, senón que tamén se converteu nun espazo de diálogo e reflexión entre militantes de diferentes orixes, comprometidos coas causas de xustiza social.
Ao finalizar a palestra, os asistentes mostraron o seu agradecemento a Kasem por compartir a súa experiencia e coñecemento, así como a súa esperanza de que, a través da colaboración internacional, se poidan lograr avances significativos na loita do pobo palestino. O evento en Vigo foi, sen dúbida, un reflexo da solidariedade global e da resistencia que persiste malia ás dificultades.
Na mesa estuvieron presentes diferentes organizacións políticas, sindicáis e sociais. Podemos Galicia e Podemos Vigo estiveron representadas polo militante Óscar Lomba quien dixo que “a vivenda é un dereito e non un negocio”.
Lomba defendeu que “a crise de vivenda en Vigo é un problema profundo que afecta a miles de persoas. Na última década, os prezos do alugueiro aumentaron dramaticamente, facendo que o acceso a unha vivenda digna e asequible sexa cada vez máis difícil para moitas familias. Porén, construír máis non é a solución. Vigo xa conta con 20.000 vivendas baleiras. O verdadeiro problema é a mala xestión e a falta de regulación destes recursos”.
Lomba dixo que “en vez de continuar cunha urbanización masiva, o que necesitamos urxentemente é mobilizar as vivendas baleiras. Isto significa pór en marcha e desenvolver medidas como un imposto municipal aos propietarios que manteñan as súas casas desocupadas sen unha xustificación clara. Esta política non só axudaría a aumentar a oferta de alugueiro dispoñible, senón que tamén contribuiría a reducir a presión sobre os prezos, beneficiando a toda a cidadanía”.
Outro aspecto esencial, según Lomba, é regular as vivendas de uso turístico. Lomba afirmou que “nos últimos anos, vimos como estas vivendas reduciron a dispoñibilidade de alugueiros residenciais, desprazando aos inquilinos e inquilinas de longo prazo en favor do turismo. Debemos impoñer límites estritos ao número de licenzas turísticas, priorizando sempre o dereito dos residentes a un fogar estable”.
Ademais, fixo referencia á Lei 12/2023, do 24 de maio, polo dereito á vivenda. Lomba salientou que “a Lei Estatal de Vivenda ofrece mecanismos para controlar os prezos dos alugueiros en zonas tensionadas como Vigo. Aplicala de xeito efectivo permitiría frear a especulación inmobiliaria e garantir que o acceso á vivenda siga sendo un dereito básico, e non un luxo inaccesible para moitas persoas”.
E só como último recurso, se todas estas medidas non logran solucionar totalmente o problema, Lomba defendeu a necesidade de considerar a construción de vivenda pública ecosostible e enerxeticamente eficiente. Estas novas vivendas non só garantirían o acceso a unha vivenda digna, senón que tamén respectarían o medio ambiente, ofrecendo solucións a longo prazo e mellorando a calidade de vida na cidade.
E términou decindo que é o momento de actuar. Según Lomba“debemos poñer ás persoas e os seus dereitos por riba dos intereses económicos e a especulación. A vivenda é un dereito fundamental, e xuntas, podemos protexelo e garantir que todos e todas teñamos acceso a un fogar digno. É hora de construirmos un futuro máis xusto para todas as persoas na nosa cidade”.
O pasado lunes 7 de outubro participamos nunha concentración para lembrar a Fadoua Akkar, vítima da violencia machista en Domaio. Participamos no acto de repulsa do pasado 7 de outubro para unirnos ao clamor contra a violencia machista. Con Fadoua, son xa máis de 80 as mulleres asasinadas en España este ano a mans do machismo.
Este terrorismo silencioso, porén letal arranca vidas e destrúe familias, e só rematará cando como sociedade loitemos con contundencia por un cambio real. Non podemos tolerar máis esta violencia. Fadoua, a nosa lembranza e a nosa rabia son contigo e con todas as vítimas de feminicidios.
Podemos Vigo continuará loitando para construirmos un futuro seguro, libre e igualitario para todas.
O 5 de outubro de 2024, un nutrido grupo de activistas e colectivos veciñais congregáronse na Illa de Toralla, Vigo, nunha mobilización baixo o lema «Únete á Reconquista de Toralla». A protesta organizouse para esixir o acceso libre da cidadanía ao interior da illa, convertida en propiedade privada e símbolo da especulación urbanística na ría de Vigo.
Militantes de Podemos Vigo e o resto de manifestantes reclamamos a apertura dun carreiro peonil que rodee o litoral da illa e a progresiva recuperación do devandito illote para o espazo público. Toralla alberga unha torre de 21 pisos e chalés de luxo. A illa ten un valor histórico significativo, con restos de asentamentos castrexos, fenicios e romanos, e foi urbanizada nos anos 60.
Podemos Vigo defende a recuperación de Toralla para a cidadanía viguesa.
«Moostro»é unha curtametraxe de 14 minutos que narra a historia de Vita, unha nena de sete anos que, intrigada por uns estraños ruídos provenientes do entreteito do seu fogar, enfróntase a un misterio cheo de inquedanzas. A curiosidade de Vita leva á súa nai a investigar, e tras un tenso momento, regresa cunha ferida estraña. A partir de aquí, a historia penetra na valentía da nena, quen decide subir para confrontar ao «Moostro», un símbolo das verdades ocultas que, como suxire a narración, poden tardar anos en ser desveladas.
O director, Sergio Beltrán, compartiu nunha entrevistas que a inspiración para esta curtametraxe proveu dunha publicación en Facebook, onde unha amiga dos seus pais eloxiaba a valentía da súa nai durante os escuros anos da ditadura de Augusto Pinochet en Chile. Coa autorización dos protagonistas reais da historia, Beltrándeu vida a un guión que entretece o pasado e o presente, explorando temas de valentía e o impacto das memorias familiares.
A proxección xerou un ambiente de profunda reflexión. Tras a película, levou adiante un debate animado no que os asistentes discutiron as complexas relacións humanas e a importancia do bo trato entre as persoas. Abordáronse cuestións sobre o valor de enfrontar os nosos medos, a necesidade de comunicación e o impacto dos traumas históricos na vida cotiá.
A experiencia de ver «Moostro» nunha contorna tan íntima e comprometida permitiu aos participantes conectar non só coa obra cinematográfica, senón tamén entre si, enriquecendo o diálogo sobre como as historias persoais e colectivas poden influír nas nosas interaccións e na construción de comunidades máis empáticas.
En definitiva, o cineforumenPodemos Vigonon só presentou unha obra cinematográfica valiosa, senón que tamén se erixiu como un espazo de reflexión crítica e colaboración, onde a arte se converte nun medio para entender e transformar a nosa realidade.
Crónica da Folga e Concentración en Vigo por Palestina convocada pola CGT e apoiada por outras organizacións políticas e sociais
O pasado venres 27 de setembro de 2024, un nutrido grupo de militantes da CGT e otras organizacións políticas e sociais, entre as que se encontraban unha morea de militantes dePodemos Vigo, congregouse fronte aoMuseo Marco, no corazón da cidade olívica, para erguer a voz en apoio ao pobo palestino nun momento crítico da súa historia. A atmosfera encheuse dun fondo sentido de apoio e solidariedade, onde a diversidade de idades e procedencias entreteceu as diferentes persoas nun mesmo clamor: a defensa dos dereitos humanos e o rexeitamento á violencia que exece o estados sionista de Israel sobre o pobo palestino.
Cun serán despexado como pano de fondo, os asistentes comezaron a achegarse e xuntarse, portando pancartas e bandeiras palestinas que reflectían a indignación colectiva. Os lemas ecoaban con forza: “Palestina vencerá”, “Israel asasina, Occidente patrocina”, e “Non á venda de armas ao estado sionista de Israel”, “As nenas de Gaza non son unha ameaza” “Dende o río até o mar Palestina vencerá” entre outros. Cada berro era unha manifestación de empatía cara aos sufrimentos das familias en Gaza, un baldordo de berros pola xustiza en Palestina e no resto do mundo.
Tras un breve acto de presentación, onde se compartiron palabras de miembros daCGT de Vigo, activistas locais e representantes de diversas organizacións, os concentrados iniciaron unha marcha que percorreu a emblemática rúa do Príncipe. A multitude, unida nunha soa voz, dirixiuse cara á Porta do Sol, transformando a vía nun río de cor e determinación. A cada paso, a tensión e a emoción intensificábanse, creando un ambiente electrizante que unía a todas as persoas presentes nunha mesma causa.
Ao longo do percorrido, puidéronse escoitar consignas que ecoaban profundamente no corazón de quen decidira saír a manifestar o seu apoio: “As nenas de Gaza non son unha ameaza”, “Non é unha guerra, é un xenocidio”. Estes berros non só esixían xustiza para Palestina, senón que tamén cuestionaban a complicidade das potencias occidentais na prolongación deste conflito.
A marcha culminou na Porta do Sol, onde os militantes se reuniron para levar adiante un acto final de reflexión e empoderamento. Nun mundo onde o silencio moitas veces impera, os berros das viguesas e viguenses ecoaron como un faro de esperanza e resistencia.
Esta CONCENTRACIÓN, convocada pola CGT, foi apoiada por Podemos Vigo.
Podemos Vigo tivo unha participación activa e salientable no acto, reafirmando o seu compromiso coa memoria histórica e a xustiza social. Os representantes da formación política, xunto á Asemblea Republicana de Vigo, estuveron presentes no acto, onde os organizadores falaron da necesidade de non esquecer a quen deron as súas vidas na loita contra a opresión, esixindo verdade, xustiza e reparación para todas as vítimas do franquismo.
O evento foi un chamado á unidade de todas e todos os antifranquistas de Vigo e a comarca, e a presenza de Podemos Vigodemostramos o noso compromiso na defensa da memoria democrática, os dereitos humanos e a loita contra a impunidade dun pasado doloroso.
Ao finalizar o acto, quedou claro que a memoria destes valentes loitadores continuará inspirando a procura dun futuro máis xusto e libre, onde os seus nomes non se borren da historia.
PODEMOS VIGO 