Yamil Kasem membro do Consello Nacional Palestino e do Comité Central do FDLP estivo en Vigo e unha morea de militantes de Podemos Vigo asistirón á palestra na que Yamil Kasem falou sobre a loita da Fronte Democrática para Liberación de Palestina (FDLP) o combate heroico do pobo palestino contra o sionismo.

O pasado 10 de outubro, Vigo acolleu unha importante palestra protagonizada por Yamil Kasem, membro do Consello Nacional Palestino e do Comité Central da Fronte Democrática para a Liberación de Palestina (FDLP). O evento xuntou a un nutrido grupo de militantes e simpatizantes da causa palestina, dispostos a escoitar as experiencias e reflexións de Kasem sobre a situación actual na Palestina.

Yamil Kasem falou da relevancia histórica da loita palestina, salientando a resistencia heroica do seu pobo fronte ao sionismo. O orador fixo referencia ás condicións de vida dos palestinos, así como os esforzos continuos da FDLP para defender os dereitos e a dignidade do seu pobo.

O encontro non só foi unha oportunidade para que Yamil Kasem compartise a voz da súa xente, senón que tamén se converteu nun espazo de diálogo e reflexión entre militantes de diferentes orixes, comprometidos coas causas de xustiza social.

Ao finalizar a palestra, os asistentes mostraron o seu agradecemento a Kasem por compartir a súa experiencia e coñecemento, así como a súa esperanza de que, a través da colaboración internacional, se poidan lograr avances significativos na loita do pobo palestino. O evento en Vigo foi, sen dúbida, un reflexo da solidariedade global e da resistencia que persiste malia ás dificultades.

Podemos Vigo participou nun debate sobre vivenda organizado por RECORTES CERO que se desenvolveu na asociación de vecinos do Calvario o pasado 10 de outubro.

Na mesa estuvieron presentes diferentes organizacións políticas, sindicáis e sociais. Podemos Galicia e Podemos Vigo estiveron representadas polo militante Óscar Lomba quien dixo que “a vivenda é un dereito e non un negocio”.

Lomba defendeu que “a crise de vivenda en Vigo é un problema profundo que afecta a miles de persoas. Na última década, os prezos do alugueiro aumentaron dramaticamente, facendo que o acceso a unha vivenda digna e asequible sexa cada vez máis difícil para moitas familias. Porén, construír máis non é a solución. Vigo xa conta con 20.000 vivendas baleiras. O verdadeiro problema é a mala xestión e a falta de regulación destes recursos”.

Lomba dixo que “en vez de continuar cunha urbanización masiva, o que necesitamos urxentemente é mobilizar as vivendas baleiras. Isto significa pór en marcha e desenvolver medidas como un imposto municipal aos propietarios que manteñan as súas casas desocupadas sen unha xustificación clara. Esta política non só axudaría a aumentar a oferta de alugueiro dispoñible, senón que tamén contribuiría a reducir a presión sobre os prezos, beneficiando a toda a cidadanía”.

Outro aspecto esencial, según Lomba, é regular as vivendas de uso turístico. Lomba afirmou que “nos últimos anos, vimos como estas vivendas reduciron a dispoñibilidade de alugueiros residenciais, desprazando aos inquilinos e inquilinas de longo prazo en favor do turismo. Debemos impoñer límites estritos ao número de licenzas turísticas, priorizando sempre o dereito dos residentes a un fogar estable”.

Ademais, fixo referencia á Lei 12/2023, do 24 de maio, polo dereito á vivenda. Lomba salientou que “a Lei Estatal de Vivenda ofrece mecanismos para controlar os prezos dos alugueiros en zonas tensionadas como Vigo. Aplicala de xeito efectivo permitiría frear a especulación inmobiliaria e garantir que o acceso á vivenda siga sendo un dereito básico, e non un luxo inaccesible para moitas persoas”.

E só como último recurso, se todas estas medidas non logran solucionar totalmente o problema, Lomba defendeu a necesidade de considerar a construción de vivenda pública ecosostible e enerxeticamente eficiente. Estas novas vivendas non só garantirían o acceso a unha vivenda digna, senón que tamén respectarían o medio ambiente, ofrecendo solucións a longo prazo e mellorando a calidade de vida na cidade.

E términou decindo que é o momento de actuar. Según Lomba “debemos poñer ás persoas e os seus dereitos por riba dos intereses económicos e a especulación. A vivenda é un dereito fundamental, e xuntas, podemos protexelo e garantir que todos e todas teñamos acceso a un fogar digno. É hora de construirmos un futuro máis xusto para todas as persoas na nosa cidade”.

O pasado lunes 7 de outubro participamos nunha concentración para lembrar a Fadoua Akkar, vítima da violencia machista en Domaio. Participamos no acto de repulsa do pasado 7 de outubro para unirnos ao clamor contra a violencia machista. Con Fadoua, son xa máis de 80 as mulleres asasinadas en España este ano a mans do machismo.

Este terrorismo silencioso, porén letal arranca vidas e destrúe familias, e só rematará cando como sociedade loitemos con contundencia por un cambio real. Non podemos tolerar máis esta violencia. Fadoua, a nosa lembranza e a nosa rabia son contigo e con todas as vítimas de feminicidios.

Podemos Vigo continuará loitando para construirmos un futuro seguro, libre e igualitario para todas.

O 5 de outubro de 2024, un nutrido grupo de activistas e colectivos veciñais congregáronse na Illa de Toralla, Vigo, nunha mobilización baixo o lema «Únete á Reconquista de Toralla». A protesta organizouse para esixir o acceso libre da cidadanía ao interior da illa, convertida en propiedade privada e símbolo da especulación urbanística na ría de Vigo.

Militantes de Podemos Vigo e o resto de manifestantes reclamamos a apertura dun carreiro peonil que rodee o litoral da illa e a progresiva recuperación do devandito illote para o espazo público. Toralla alberga unha torre de 21 pisos e chalés de luxo. A illa ten un valor histórico significativo, con restos de asentamentos castrexos, fenicios e romanos, e foi urbanizada nos anos 60.

Podemos Vigo defende a recuperación de Toralla para a cidadanía viguesa.

Crónica do Cineforum en Podemos Vigo: Proxección de «Moostro»

O pasado venres 27 de setembro de 2024, a sede de Podemos Vigo converteuse nun punto de encontro para o cinema e a reflexión social, ao acoller a proxección da curtametraxe chilena «Moostro», dirixida por Sergio Beltrán. Este evento, organizado por Mundo Sen Guerra e Sen Violencia e o Festival Internacional de Cinema da Non Violencia Activa (FICNOVA) en colaboración con Podemos Vigo, atraeu a un público diverso, interesado en mergullarse na complexidade emocional e social que ofrece a obra cinematográfica.

«Moostro» é unha curtametraxe de 14 minutos que narra a historia de Vita, unha nena de sete anos que, intrigada por uns estraños ruídos provenientes do entreteito do seu fogar, enfróntase a un misterio cheo de inquedanzas. A curiosidade de Vita leva á súa nai a investigar, e tras un tenso momento, regresa cunha ferida estraña. A partir de aquí, a historia penetra na valentía da nena, quen decide subir para confrontar ao «Moostro», un símbolo das verdades ocultas que, como suxire a narración, poden tardar anos en ser desveladas.

O director, Sergio Beltrán, compartiu nunha entrevistas que a inspiración para esta curtametraxe proveu dunha publicación en Facebook, onde unha amiga dos seus pais eloxiaba a valentía da súa nai durante os escuros anos da ditadura de Augusto Pinochet en Chile. Coa autorización dos protagonistas reais da historia, Beltrán deu vida a un guión que entretece o pasado e o presente, explorando temas de valentía e o impacto das memorias familiares.

A proxección xerou un ambiente de profunda reflexión. Tras a película, levou adiante un debate animado no que os asistentes discutiron as complexas relacións humanas e a importancia do bo trato entre as persoas. Abordáronse cuestións sobre o valor de enfrontar os nosos medos, a necesidade de comunicación e o impacto dos traumas históricos na vida cotiá.

A experiencia de ver «Moostro» nunha contorna tan íntima e comprometida permitiu aos participantes conectar non só coa obra cinematográfica, senón tamén entre si, enriquecendo o diálogo sobre como as historias persoais e colectivas poden influír nas nosas interaccións e na construción de comunidades máis empáticas.

En definitiva, o cineforum en Podemos Vigo non só presentou unha obra cinematográfica valiosa, senón que tamén se erixiu como un espazo de reflexión crítica e colaboración, onde a arte se converte nun medio para entender e transformar a nosa realidade.

Crónica da Folga e Concentración en Vigo por Palestina convocada pola CGT e apoiada por outras organizacións políticas e sociais

O pasado venres 27 de setembro de 2024, un nutrido grupo de militantes da CGT e otras organizacións políticas e sociais, entre as que se encontraban unha morea de militantes de Podemos Vigo, congregouse fronte ao Museo Marco, no corazón da cidade olívica, para erguer a voz en apoio ao pobo palestino nun momento crítico da súa historia. A atmosfera encheuse dun fondo sentido de apoio e solidariedade, onde a diversidade de idades e procedencias entreteceu as diferentes persoas nun mesmo clamor: a defensa dos dereitos humanos e o rexeitamento á violencia que exece o estados sionista de Israel sobre o pobo palestino.

Cun serán despexado como pano de fondo, os asistentes comezaron a achegarse e xuntarse, portando pancartas e bandeiras palestinas que reflectían a indignación colectiva. Os lemas ecoaban con forza: “Palestina vencerá”, “Israel asasina, Occidente patrocina”, e “Non á venda de armas ao estado sionista de Israel”, “As nenas de Gaza non son unha ameaza” “Dende o río até o mar Palestina vencerá” entre outros. Cada berro era unha manifestación de empatía cara aos sufrimentos das familias en Gaza, un baldordo de berros pola xustiza en Palestina e no resto do mundo.

Tras un breve acto de presentación, onde se compartiron palabras de miembros da CGT de Vigo, activistas locais e representantes de diversas organizacións, os concentrados iniciaron unha marcha que percorreu a emblemática rúa do Príncipe. A multitude, unida nunha soa voz, dirixiuse cara á Porta do Sol, transformando a vía nun río de cor e determinación. A cada paso, a tensión e a emoción intensificábanse, creando un ambiente electrizante que unía a todas as persoas presentes nunha mesma causa.

Ao longo do percorrido, puidéronse escoitar consignas que ecoaban profundamente no corazón de quen decidira saír a manifestar o seu apoio: “As nenas de Gaza non son unha ameaza”, “Non é unha guerra, é un xenocidio”. Estes berros non só esixían xustiza para Palestina, senón que tamén cuestionaban a complicidade das potencias occidentais na prolongación deste conflito.

A marcha culminou na Porta do Sol, onde os militantes se reuniron para levar adiante un acto final de reflexión e empoderamento. Nun mundo onde o silencio moitas veces impera, os berros das viguesas e viguenses ecoaron como un faro de esperanza e resistencia.

Esta CONCENTRACIÓN, convocada pola CGT, foi apoiada por Podemos Vigo. 

Podemos Vigo participou na Homenaxe a Xosé Humberto Baena

O pasado venres 27 de de 2024, o cemiterio de Pereiró en Vigo converteuse no punto de encontro para render homenaxe a Xosé Humberto Baena Alonso e a outros catro compañeiros asasinados polo franquismo: José Luís Sánchez Bravo Solla, Anxo Otaegui Etxebarria, Jon Paredes Manot “Txiki” e Ramón García Sanz. Ás 18.00 horas, unha morea de amigas, amigos, compañeiras/os e simpatizantes congregouse para lembrar a valentía destes militantes antifranquistas, cuxa loita pola liberdade segue sendo un referente na memoria colectiva.

Podemos Vigo tivo unha participación activa e salientable no acto, reafirmando o seu compromiso coa memoria histórica e a xustiza social. Os representantes da formación política, xunto á Asemblea Republicana de Vigo, estuveron presentes no acto, onde os organizadores falaron da necesidade de non esquecer a quen deron as súas vidas na loita contra a opresión, esixindo verdade, xustiza e reparación para todas as vítimas do franquismo.

O evento foi un chamado á unidade de todas e todos os antifranquistas de Vigo e a comarca, e a presenza de Podemos Vigo demostramos o noso compromiso na defensa da memoria democrática, os dereitos humanos e a loita contra a impunidade dun pasado doloroso.

Ao finalizar o acto, quedou claro que a memoria destes valentes loitadores continuará inspirando a procura dun futuro máis xusto e libre, onde os seus nomes non se borren da historia.

PODEMOS VIGO EN DEFENSA DAS INQUILINAS E POLO DEREITO A UNHA VIVENDA DIGNA!

En Vigo e os seus arredores, o dereito a unha vivenda digna converteuse nun desafío apremiante para moitas familias e persoas. A falta de acceso a unha vivenda alcanzable e axeitada non só vulnera dereitos fundamentais, senón que tamén agrava a desigualdade social e económica na nosa terra. É imperativo que defendamos este dereito esencial e que procuremos solucións efectivas.

Por iso, é urxente que se aplique a Lei 12/2023, do 24 de maio, polo dereito á vivenda no noso municipio e que Vigo sexa declarada como zona tensionada. Esta declaración permitiría adoptar medidas que freen o aumento descontrolado dos alugueiros e promovan un acceso máis xusto e equitativo á vivenda.

Non podemos permitir que a especulación e a falta de políticas efectivas sigan desposuíndo ás nosas veciñas e veciños do seu dereito a un fogar. Xuntas, fagamos de Vigo un lugar onde cada persoa teña garantido un espazo digno para vivir. É hora de actuar!

23 de setembro: Día Internacional contra a Explotación Sexual e a Trata de Persoas

Hoxe, 23 de setembro de 2024, lembramos con firmeza e responsabilidade o Día Internacional contra a Explotación Sexual e a Trata de Persoas, unha data que nos convida a reflexionar profundamente sobre un dos crimes máis atroces da nosa era. A Trata de persoas non é só unha violación flagrante dos dereitos humanos, é unha forma moderna de escravitude que afecta a millóns de persoas en todo o mundo, particularmente mulleres, nenas e sectores vulnerábeis da poboación.

A Trata con fins de explotación sexual é o faciana máis devastadora desta práctica criminal. Detrás das frías estatísticas agóchanse vidas escachadas, soños arrebatados, corpos forzados á violencia e a degradación. Estímase que 1,8 millóns de persoas son vítimas da trata de persoas para explotación sexual, un delito que xera beneficios só comparábeis aos do tráfico de drogas e armas.

A realidade é que a trata de seres humanos prospera nas sombras, alimentada pola pobreza, a desigualdade de xénero, os conflitos, as crises migratorias e a falta de protección para os máis vulnerábeis. Os traficantes explotan a desesperación, prometendo oportunidades falsas, só para levar ás súas vítimas a un destino de explotación e sufrimento.

No caso da explotación sexual, as cifras son devastadoras. Na Unión Europea, dúas de cada tres vítimas de trata son sometidas a explotación sexual, e delas, o 95% son mulleres e nenas. España, lamentabelmente, ocupa un lugar central neste problema. No noso país, as redes criminais obteñen ganancias millonarias cada día á conta da liberdade e a dignidade humana.

Fronte a este escenario, non podemos permitir a indiferenza nin a pasividade. A Trata de persoas é unha violación dos dereitos humanos que debe ser combatida con todas as ferramentas legais, institucionais e sociais dispoñíbeis. É imprescindíbel unha coordinación internacional efectiva que non só persiga e sancione aos traficantes, senón que tamén protexa e rehabilite ás vítimas.

En Podemos Vigo, cremos que a loita contra a trata e a explotación sexual non pode ser unha tarefa illada. É un compromiso ético e político que debe estar no centro de calquera axenda que aspire a construír unha sociedade xusta e igualitaria. Esiximos políticas públicas máis efectivas, unha maior protección para as vítimas e unha acción decidida contra quen lucran coa vida e o corpo das persoas.

Non podemos esquecer o legado de loitas como a de Alfredo Palacios, cuxo traballo conduciu á promulgación da Lei Palacios en 1913, a primeira no mundo que prohibiu a prostitución infantil. Hoxe, máis dun século despois, esa batalla segue sendo nosa. Cada paso adiante na loita contra a trata de persoas é un acto de xustiza que achega ao mundo á dignidade e a igualdade.

Neste día, chamamos á acción. Non chega con ser conscientes do problema; debemos ser parte da solución. É vital apoiar as organizacións que están en primeira liña, ofrecer un marco legal robusto e garantir que os dereitos humanos de todas as persoas sexan respectados. Non hai escusas para a explotación. Non hai lugar para a trata de persoas nunha sociedade que se chame democrática e xusta.

Dende Podemos Vigo, reafirmamos o noso compromiso de loitar por un mundo no que ningunha persoa sexa tratada como mercadoría, no que a explotación sexual sexa erradicada e no que a dignidade humana sexa o principio reitor de todas as nosas accións.

Hoxe, e todos os días, dicimos NON á trata de persoas. NON á explotación sexual. E SI á vida, á liberdade e á igualdade e á xustiza para todas e todos.

Denunciamos os crimes en Palestina: Basta de xenocidio e ocupación!

Desde Podemos Vigo, erguemos a nosa voz con firmeza e determinación para denunciar os crimes atroces que o pobo palestino está a sufrir a mans do Estado sionista de Israel. Os ataques brutais, as execucións extraxudiciais, as demolicións de fogares, a expansión ilegal dos asentamentos e a constante violencia por parte dos colonos son só algúns dos innumerábeis actos que, baixo a protección do exército israelí, perpetúan un xenocidio silencioso.

O que está a ocorrer en Palestina non pode reducirse a un «conflito». Trátase dun proceso sistemático de limpeza étnica, unha ocupación colonial que pretende erradicar ao pobo palestino da súa terra, aniquilando a súa identidade, a súa historia e o seu futuro. O bombardeo indiscriminado de Gaza, o asedio de Cisxordania e a impunidade coa que operan os colonos armados mostran claramente a intención de destruír un pobo enteiro, mentres o mundo olla cara a outro lado ou, no peor dos casos, colabora con este crime mediante a venda de armas e o apoio diplomático a Israel.

Desde Podemos Vigo, condenamos rotundamente estas accións e esiximos que se poña axiña fin ao apartheid e ao xenocidio que Israel perpetra contra o pobo palestino. A comunidade internacional, en especial os gobernos europeos e a ONU, non poden seguir ofrecendo condenas baleiras e posicións ambiguas que só serven para lexitimar a ocupación e a violencia. É urxente pasar das palabras aos feitos: aplicar sancións internacionais, deter a venda de armas a Israel e esixir xustiza e reparación para as vítimas palestinas.

Non podemos permanecer indiferentes ante a opresión e a barbarie. O pobo palestino ten dereito a resistir a ocupación, a loitar pola súa liberdade e a defender a súa terra. É a nosa responsabilidade como cidadáns do mundo apoiar a súa causa, porque a loita pola liberdade en Palestina é a loita pola xustiza global. Non máis xenocidio, non máis ocupación, non máis impunidade! Palestina debe ser libre e soberana.